Eŋö en yaa ciɛɛth ë yic ë thïn?
Maguere ë thïn ee yennë maguere dït arët tënɔŋ diär Australia.3047
BreastScreen NSW ee diär nɔŋ run kee 50 lɔ 74 tuöc kubïkë naŋ ciɛɛth ë yic ë thïn në kuatë thök ë run kee 2 yic.
Ee ciɛɛth ë yic ë thïn ŋö?
Ciɛɛth ë yic, ë ye cɔl thuur ë thïn ëyɛ, ee thura de thin. Alëu bë maguere thiin kotr cït nyin ë ruuth yök, ke yï këc gɛɛra guɔ yök ka yök but.
Dhamɛn piɛth yennë tuaany ë maguere looi ee të ŋoot yen kë kor. Naa yök dɔc maguere ë thïn yök, ke yic pial arët kubïï looi bë jääl. Diär juëc aa ye pial ku dhukkï në pïrdɛn yic.
Diär jɛ̈l në ɣän wääc yiic aa lëu bïkï maguere ë thïn yök. Yïn lëu bï yï tïŋ ku ye rot yök apiɛth, lakin yïn lëu ba naŋ mauere ë thïn kë ciën kït/cït (tuaany).
Eeŋö yee ciɛɛth ë yic ë thïn yic thiɛk?
Ee nɛn yennë ciɛɛth ë yic looi
- Kuatë run kee rou mënë ruön 50 lɔ 74.
- Yïn cie wïc në tawil/tuöc akïïm.
- Diär wɛ̈n nɔŋ run kee 40-49 ku diär dït cë ɣet në ruön 74 aa yee ciaath/them ëyɛ. Yïn jamë kenë akïmdu tueeŋ.
Të cït të yennë ciɛɛth ë yic ë thïn kɔɔŋ thïn
Cɔl 13 20 50 kuba kɔ̈ŋ ë rɔ̈m looi ka yuöpë Translating and Interpreting Service 
në 13 14 50 naa lëu ba kuɔny ë thok nhiaar kuba kɔ̈ŋë yök looi.
Naa wïc agamlöŋ në dhamɛndun ë yök ca kɔɔŋ, kë cɔl ë ŋic BreastScreen NSW të kɔɔŋ yïn yök. Paandu/n ka mäth aa cïï lëu bïkkë ger në dhamɛndunë yök ca kɔɔŋ.
Naa nhiar ba bɛ̈n kenë diär kɔ̈k kubakä röt kuɔny, kë ɣok lëu bukku kɔ̈ŋ akutnhom looi.
BreastScreen NSW anɔŋ bɛ̈i akïm 250 ku kädiäk ku thurumbiil ë cath alɔŋde NSW.
Bɛ̈ɛ̈i ë maluma enë akïmku yuöp alɔŋde yökdun ca kɔɔŋ naa wïc keek bïkë baŋde nëtïjaa yök.
Yökdun ca kɔɔŋ
- Cieŋ alɛ̈th kee rou piiny ku nhial cëman bïn alɛ̈thku yɔɔny në yï ɣöi lɔnhial.
- Dukë kë lapuörpuör tɛ̈ɛ̈u, kën ë ŋuäcë guöp nyaai ka miök në yï guöp në kööldun ë kɔ̈ŋ ca looi, cëman lëu bïï kek thura riöök.
- Tiŋ ee thuur (raan luï paanakïïm ë thura dɔm) abë yïn lɛɛr ɣön cï wëëŋ thok kuba yï kɔ̈u dɔ̈k. Yïn abë jäl naŋ thura de kuatë thiɛ̈n tök.
- Thuraa aa yee röt dac looi. Diär kɔ̈k alëukï bïkkï yök kë cïï lɔ apiɛth të yennë thin tuaany yiic. Yïn lëu ba thiëc në thiëcthiëëc/thual ku cɔl ciɛɛth ë yic ë thin ë kääc në gunë dhamɛn.
- Yïn bär kenë thuraa ke thin thɛɛr naa cë thuradun ë thin ë tɔ̈u kenë BreastScreen NSW.
Yïn lɛ̈kë raandan luï naa:
- liacë ka thiɛ̈ɛ̈të
- nɔŋ thin cïke cuɔm në makana
- wɛl ë piöu looi bë gut
- nɔŋ riɛlë yic de cäth, mëckila de kɔ̈u ka jiir/kët.
Ciɛɛth ë yic kenë BreastScreen NSW ee kënë diär ciën cït/kït. Naa tïŋ guötë gɛraa në thinku yiic, cïtmanë yïk but, arɛɛm ka thin thook aa kuër/thuat, kë yïn tïŋ akïmdu të dɔc yen rot lëu.
